Is trí Ionad Cuairteora Bhrú na Bóinne amháin a cheadaítear do dhaoine dul chuig Cnóbha agus Sí an Bhrú. Tá an t-ionad taobh le sráidbhaile Dhún Uabhair ar thaobh theas Abhainn na Bóinne.  (Comhordanáidí GPS: Domhanleithead 53.694567 Domhanfhad -6.4463) Is le bus a thugtar cuairteoirí chuig na láithreáin agus ar ais uathu.   Is le turas treoraithe amháin a cheadaítear do dhaoine dul chuig na láithreáin, agus bíonn líon na n-áiteanna ar gach turas teoranta.  Níl aon bhealach ann le teacht ar Shí an Bhrú ná an Chnóbha go díreach.

Is féidir le cuairteoirí ar mian leo Dubhadh a fheiceáil dul isteach chuig an séadchomhartha go díreach ar an taobh thuaidh d’Abhainn na Bóinne. Ní féidir le cuairteoirí dul isteach sna seomraí cé go bhfuil lánchead acu siúl timpeall an láithreáin. 

Ní féidir. Díoltar ticéid le daoine aonair (14 duine nó líon is lú) de réir mar a thagann daoine isteach san ionad.  Bíonn na ticéid ar fáil le ceannach gach maidin don lá sin.  Bíonn na háiteanna ar na turais teoranta agus tógtar go gasta iad de réir mar a imíonn an lá agus is minic a bhíonn siad díolta amach faoin 1pm nó mar sin. Ar an ábhar sin, moltar do chuairteoirí ar mian leo Cnóbha nó Sí an Bhrú a fheiceáil teacht chomh luath ar maidin agus is féidir leo.  Ní thugtar aon ráthaíocht go mbeifear in ann dul chuig na Séadchomharthaí.

Caithfidh gach grúpa de 15 duine nó níos mó turas a chur in áirithe achar maith roimh ré.  Tá líon na n-áiteanna le haghaidh grúpaí teoranta gach lá.  Is 48 duine, ceannairí/treoraithe san áireamh, an líon is mó a cheadaítear in aghaidh gach grúpa. Is féidir iarratais ar áirithintí a chur ar an bhfacs chuig Ionad Cuairteora Bhrú na Bóinne ar 041 9823071 nó ar an ríomhphost chuig brunaboinne@opw.ie. Caithfidh gach grúpa a bheith ag an deasc fáilithe ag an am a socraíodh, ní ag na Séadchomharthaí féin.  Is le bus a thugtar grúpaí amach ón Ionad Cuairteora agus ar ais chuige.  Ní bhítear in ann socruithe a dhéanamh i ngach cás do ghrúpaí gan áirithint nó do ghrúpaí a thagann go mall.

Thart faoi 1 uair an chloig agus 15 nóiméad an ceann a bhíonn i gceist leis na turais ar Chnóbha agus ar Shí an Bhrú.  Tógann sé thart faoi 3 uair an chloig le cuairt a thabhairt ar an dá áit. Turas féintreoraithe a bhíonn i gceist leis an taispeántas san Ionad Cuairteora agus tógann sé sin thart faoi 45 nóiméad. 

Is é an difear is mó idir cuairt ar Shí an Bhrú agus ar Chnóbha go gceadaítear do chuairteoirí dul isteach sa seomra ag Sí an Bhrú, rud nach féidir leo a dhéanamh ag Cnóbha.  Tá taobhanna na bpasáistí ag Cnóbha tite isteach ar a chéile le himeacht na mblianta agus ní féidir dul isteach iontu go héasca a thuilleadh. Is é Cnóbha an ceann is mó den dá Shéadchomhartha.  Tá dumha mór amháin agus ocht ndumha dhéag is lú ná é sa choimpléasc ansin. Tá sárshamplaí den ealaín Neoiliteach maisithe ar na liaga colbha timpeall ar an dumha mór. Baineann stair fhada chasta le Cnóbha. Bhí searmanais ar siúl agus daoine lonnaithe ag Cnóbha roimh an tréimhse Neoiliteach agus i bhfad ina dhiaidh freisin. Tá aitheanta ag seandálaithe go raibh gníomhaíocht ar siúl ag an láithreán sa ré Neoiliteach, sa Iarannaois, agus i ré na Críostaíochta Luaithe chomh fada le tréimhse na Normannach. Tá seomra beag taispeántais sa dumha mar ar féidir le cuairteoirí breathnú síos an phasáiste thoir.  Is féidir le cuairteoirí siúl ar bharr an dumha freisin le haghaidh radharc iomlán ar Ghleann na Bóinne.  Is é Sí an Bhrú an láithreán is mó a bhfuil tóir ag daoine air.

Oireann. Timpeallacht neamhdhíobhálach do leanaí atá in Ionad Cuairteora Bhrú na Bóinne agus bíonn fáilte roimh leanaí i gcónaí ag Cnóbha agus ag Sí an Bhrú. Ar mhaithe lena sábháilteacht agus lena gcompord féin, ba cheart do dhuine fásta freagrach aire a thabhairt dóibh le linn a gcuairte. Caithfidh duine fásta a bheith i dteannta leanaí faoi bhun 16 bliana d’aois. Is féidir bugaí a thabhairt tríd an ionad cuairteora, isteach sna busanna agus amuigh faoin aer ag na láithreáin ach ní féidir bugaí a thabhairt isteach sa seomra ag Sí an Bhrú ná isteach i seomra an taispeántais ag Cnóbha. Ba cheart go dtuigfeadh tuismitheoirí agus caomhnóirí gur turais threoraithe gach cuairt ar na láithreáin agus bítear buíoch díobh a bheith cúirtéiseach agus tuisceanach do chuairteoirí eile. 

Is amuigh faoin aer a dhéantar na turais chuig an dá Shéadchomhartha agus níl aon fhoscadh ar bith ag ceachtar láithreán.  Ba cheart do chuairteoirí éadaí cuí a chaitheamh.

Ní thugtar cead do dhaoine peataí a thabhairt isteach in Ionad Cuairteora Bhrú na Bóinne ná ar an turas ag Cnóbha ná ag Sí an Bhrú.  Tá fáilte roimh mhadraí treorach agus cabhrach. 
 

Is féidir le lucht úsáide cathaoireacha rothaí gach cuid den Ionad Cuairteora a úsáid. Is féidir cathaoireacha rothaí a fháil ar iasacht le linn do chuairte freisin.  Tá an clós páirceála 300m ón Ionad do Chuairteoirí (grádán 1:17 ar an meán). Tá stad an bhus chuig na láithreáin 200m ón Ionad do Chuairteoirí agus is féidir le daoine i gcathaoireacha rothaí dul ar na busanna.  Tá an turas bus 2km ar fad. Tá an cosán, ón áit a scaoiltear daoine amach as an mbus go dtí an áit le dul isteach go Sí an Bhrú (grádán 1:7 ar an meán) 200m ar fad. Ní féidir cathaoireacha rothaí a thabhairt isteach sa seomra ag Sí an Bhrú. Tá macasamhail lánscála den seomra ag Sí an Bhrú ina chuid den taispeántas san Ionad Cuairteora agus is féidir le daoine i gcathaoireacha rothaí an t-iomlán de sin a fheiceáil. Táthar in ann beagnach gach cuid den turas ag Cnóbha a dhéanamh le cathaoir rothaí seachas seomra beag an taispeántais agus barr an dumha.  Ní féidir le cuairteoir ar bith dul isteach sna seomraí ag Cnóbha.

Níl aon áis stórála bagáiste ag Ionad Cuairteora Bhrú na Bóinne. 

Tá cosc ar thobac san ionad cuairteora, sa seomra ag Sí an Bhrú agus i seomra an taispeántais ag Cnóbha.  Ceadaítear do dhaoine tobac a chaitheamh lasmuigh agus i rith an turais ach iarrtar ort a bheith tuisceanach do chuairteoirí eile. 

Déantar gach turas as Béarla, toisc go bhféadfadh daoine as go leor tíortha difriúla a bheith ar gach turas.  Tá aistriúcháin go Gaeilge, Fraincís, Gearmáinis, Iodáilis agus Spáinnis ar fáil d’ábhar an Taispeántais agus den seó closamhairc san Ionad Cuairteora.  Tá bileoga sna teangacha céanna agus sa tSeapáinis chomh maith le fáil san Ionad Cuairteora saor in aisce.  Is féidir aistriúcháin go Fraincis, Gearmáinis, Iodáilis agus Spáinnis ar théacs an taispeántais a fháil ar iasacht.  Má bhíonn grúpa ag tabhairt cuairte agus i gcás go mbeidh a gceannaire féin acu, táimid breá sásta socrú a dhéanamh do cheannaire an ghrúpa a bheith i mbun ateangaireachta ar ábhar an turais.  

Ceadaítear do dhaoine grianghraif a thógáil/scannáin a thaifeadh dá n-úsáid phearsanta féin gach áit seachas sa phasáiste agus sa seomra ag Sí an Bhrú. Mar chúirtéis, iarrtar ort fiafraí den treoraí an miste leis nó léi má dhéantar iad a thaifeadadh.  Tá ceadúnas ag teastáil le haghaidh grianghraf agus scannán a úsáidfear ar bhonn tráchtála.  Téigh i dteagmháil le hOifig na nOibreacha Poiblí (OOP) ar 01 6476915 nó 01 6476916.
 

Tá na séadchomharthaí ag Séadchomharthaí Bhrú na Bóinne sean agus leochaileach. Bíonn na treoraithe i láthair ag na láithreáin chun cabhrú leis na Séadchomharthaí sin a chaomhnú, chun cabhrú le daoine a chur ar an eolas faoi thábhacht ár n-oidhreachta seanda, chun tuiscint na gcuairteoirí ar Bhrú na Bóinne a bhreisiú agus chun cabhrú le líon ard na gcuairteoirí a bhainistiú. 

Toisc go mbíonn líon na gcuairteoirí ar na láithreáin teoranta agus go mbíonn an t-éileamh ar na turais chomh hard, d’fhéadfaidís a bheith lán go gasta go háirithe i rith mhíonna an tsamhraidh.  Is é 48 duine an líon is mó daoine a cheadaítear in aghaidh an turais agus fágann turais Ionad Cuairteora Bhrú na Bóinne gach 30 nóiméad nó mar sin le dul chuig na Séadchomharthaí.   

Cinnte gan dabht ach bí cinnte go dtiocfaidh tú ar ais in am!

Osclaíodh Ionad Cuairteora Bhrú na Bóinne i mí Mheitheamh 1997. Tá sé suite ar thaobh theas abhainn na Bóinne agus is é an phríomhchuspóir atá aige sruth na gcuairteoirí chuig Sí an Bhrú agus Cnóbha a bhainistiú. Léirmhínítear na séadchomharthaí san Ionad chomh maith le muintir na ré Neoilití agus a gcultúr. Tá áiseanna eile ar fáil san Ionad do thurasóirí freisin amhail eolas, bialann, leithreasa agus clós páirceála.  Timpeallacht shuaimhneach a bhíonn roimh chuairteoirí agus iad ag teacht isteach chuig Cnóbha nó Sí an Bhrú. 

Ní féidir, ní cheadaíonn Oifig na nOibreacha Poiblí ná an Roinn Comhshaoil, Oidhreachta agus Rialtais Áitiúil aon searmanais reiligiúin ag aon cheann de na láithreáin a bhainistíonn siad. 

Tugann na treoraithe ag Sí an Bhrú rabhadh do gach duine go bhfuil an pasáiste íseal agus cúng agus má bhíonn faitíos ar aon duine go mbeidh siad clastrafóibeach, ba cheart dóibh fanacht agus a chinntiú gurb iad an duine deireanach le dul isteach sa seomra.  Ba cheart do chuairteoirí cuairt a thabhairt ar an macasamhail san ionad sula dtéann siad chuig an séadchomhartha. 

Cé go bhfuil breis is 50 Séadchomharthaí taifeadta i mBrú na Bóinne, níl teacht ag an bpobal ach ar Chnóbha, ar Shí an Bhrú agus ar Dhubhadh faoi láthair.  Tá an chuid eile de na Séadchomharthaí ar thalamh príobháideach. 
 

Is féidir. Tá áit le haghaidh picnicí ar thailte Ionad Cuairteora Bhrú na Bóinne. Soláthraítear bia le tógáil leat sna Seomraí Tae ach ní cheadaítear bia ná deoch sa taispeántas ná ar na busanna.  Ní cheadaítear picnicí ag Sí an Bhrú ná ag Cnóbha.