Ó lár na 1980aidí, bhí tochailtí ina ndlúthchuid de na hoibreacha caomhnúcháin a dhéantar ar an oileán. Díríodh an obair thochailte ar Léibheann an Aireagail Bhig agus ar an áit laistigh den Aireagal Mór i 1986-7. Tar éis na hoibre tosaigh sin, díríodh tochailtí a rinneadh i 1990 ar Ghairdín Uachtarach na Manach agus ar an mbealach ón oirthear isteach i nGairdín Íochtarach na Manach. 

Rinneadh obair idir 1993 agus 2004 i nGairdín Íochtarach na Manach, ó dheas ón Aireagal Mór, sa limistéar soir ó Reilig na Manach agus ag an sistéal thiar siar ón gclós inmheánach.  Deisíodh na Céimeanna Thoir agus Thuaidh faoi mhaoirseacht seandálaithe le linn na tréimhse sin.

Idir 2004 agus 2008, díríodh tochailtí ar an mBinn Theas agus imscrúdaíodh roinnt mhaith léibheann lena n-áirítear léibhinn an Aireagail agus an Ghairdín.  Sainaithníodh limistéir fhairsinge le linn na dtochailtí sin a bhíodh á n-úsáid mar chairéal don mhainistreach.  Thángthas ar bhealach chuig an mullach a bhí ann níos luaithe freisin.

Tá tuilleadh eolais ar na tochailtí sa Phlean Bainistíochta atá ar fáil ar an suíomh idirlín seo.