Cuireadh tús le céim reatha na n-oibreacha caomhnúchain i 1978 nuair a rinneadh roinnt deisiúchán práinneach ar bhalla a bhí tite ó chéile sa Mhainistir. Díríodh clár tosaigh na n-oibreacha ar na Céimeanna Theas agus ar na struchtúir laistigh den Mhainistir féin. 

Faoi lár na 1980aidí, athraíodh an fócas le díriú ar struchtúr an láithreáin a chaomhnú agus ar an ngá leis na ballaí coinneála a chomhdhlúthú. Bhí roinnt díobh contúirteach mar gheall ar an mbail a bhí orthu.  Bhí Léibheann an Airgeadail Bhig ar an gcéad cheann díobh sin a cuireadh i gcrích. Tugadh faoi oibreacha ansin ar Ghairdíní Uachtaracha agus íochtaracha na Manach araon agus ar roinnt bealaí isteach. Nuair a bhí cuid mhaith den obair ar an Mainistir curtha i gcrích, deisíodh na Céimeanna Thoir agus Thuaidh.

ó 2004, díríodh clár na n-oibreacha ar iarsmaí fairsinge na struchtúr ar an mBinn Theas a chaomhnú. Ní sraith léibheann agus ardán amháin a bhí i gceist le clár na n-oibreacha sin ach cuimsíodh struchtúr eile freisin a bhain le dhá chuid de bhealaí rochtana chuig an mbinn. Cuireadh an obair dhúshlánach sin chomh maith le taifead iomlán uirthi, i gcrích faoi dheireadh shéasúr 2008.

Tá tuilleadh eolais ar chlár na n-oibreacha caomhnúcháin sa Phlean Bainistíochta atá ar fáil ar an suíomh idirlín seo.